دورك إيه يا سعادة البيه

 يا سعادة البيه..
وانت تؤكد فينا ..
انو البلد الحالم ..راح تفديه
بكل ما تملك..
بي روحك راح تفديه
ونحن بنسأل ..
وين تعميرك..وين تنميتك
وين أحلامك..
للعطشان الراح ترويه
ناكل مما نزرع..
ونلبس مما نصنع..
وكل العالم ..من سلتنا 
راح نكفيه
وبعد سنين الضنك ..القاتل
وانت زعيم..العمل الفاصل
نلقى بلدنا اتفتت..
وانت بتعلن..إنك سيد البلد الدايم
وانت عظيمنا..
وانت سعادة البيه
دورك إيه..يا سعادة البيه

ونحن نكرر آه وايه

وانت السوقت البلد الحالم 

نحو التيه..

دورك ايه..

وانت اتربعت..

واتوهطت بهذا الكرسي..

وسعدت بأنك..سعادة البيه

جماعتك تظهر ..

فينا غير الغايب وما تخفيه

فصلت بلدنا..

ولسة بتحلم بالمستقبل ..

بزهر فيه!

آه يا سيدنا ..

وآه.. من فعلك..

ومن أقوالك ..وما تبديه

كل ما قلت : تعالوا

نسالم.. سقط الناس في الوجع الهارم..

وشعبك تايه..

وعمرك ما عارف ترضيه

دورك إبه يا سعادة البيه

في الامنا..

وفي أوجاعنا..

وكل ما حل بشعبك.. وما يعانيه

دورك إيه يا سعادة البيه

في البيحلم يلقى وظيفة..

وفي المشلول..البحلم ..

يلقى الكرسي..

والعميان الفقد الرؤية..

ولسة بيحلم يلقى دليلو..

ومن يهديه ..

دورك إيه يا سعادة البيه

وينو بيانك ..

ذاك الأول..

وكنت بتحلم تسعد بلدك..

وما تشقيه..

كفاية علينا ..ربع القرن..

كفاية علينا..

وكلو دمار..

الأجيال..

ح تعيدو.. وح تحكبه..

دورك إيه يا سعادة البيه