بالإنقاذ قهرناكم

حكمناكم .. حكمناكم

وبالنقاذ قهرناكم

وإن رمتم تشيلونا..

سحلناكم

ده..نحن النار..

قرونكم لو رفعتوها ..

شويناكم

ونحن منابع الإفهام..

عرفناكم

ده انتم شعب (يخاف ما يستحي)

تعالوا معانا بالحسنى..

وإلا بالعذاب المر..

والتجويع والتركيع..والترهيب 

زدناكم

ونحن بشيرنا راح يقعد..

على الكرسي ..الى الأبد

ويوقف رافع الهامة..على أشلاء

ضحاياكم

وتشهد ليهو ديك دار فور

زعيم يقهر ل أوكامبو

والدولية وكل القالوا ..من 

شانكم

علينا يمين ..إذا انقرض ..

البلد كلو..وانفصل البلد جلو

راح نحكم ..

بقاياكم

ومن يرض به الوطني..

ينال الخير ..يشد الحيل

ويتسهل عليهو الحال .

.يبني فلل..رصيدو يزيد

ويبقى سعيد ..

بدنياكم